سورة الزمر - آیت 27
وَلَقَدْ ضَرَبْنَا لِلنَّاسِ فِي هَٰذَا الْقُرْآنِ مِن كُلِّ مَثَلٍ لَّعَلَّهُمْ يَتَذَكَّرُونَ
ترجمہ سراج البیان - مولانا حنیف ندوی
اور ہم نے اس قرآن (ف 1) میں لوگوں کے لئے ہر قسم کی مثال بیان کی ہے کہ شاید وہ نصیحت پکڑیں
تسہیل البیان فی تفسیر القرآن - ام عمران شکیلہ بنت میاں فضل حسین
چوں کہ مثالوں سے باتیں ٹھیک طور پر سمجھ آ جاتی ہیں۔ اس لیے اللہ تعالیٰ قرآن کریم میں ہر طرح کی مثالیں بھی بیان فرماتا ہے۔ تاکہ لوگ سوچ سمجھ لیں۔ جیسا کہ فرمایا: ﴿ضَرَبَ لَكُمْ مَّثَلًا مِّنْ اَنْفُسِكُمْ﴾ (الروم: ۲۸) اللہ نے تمہارے لیے وہ مثالیں بیان فرمائی ہیں جنہیں تم خود اپنے آپ میں بہت اچھی طرح جانتے بوجھتے ہو۔ سورہ عنکبوت میں فرمایا: ﴿وَ تِلْكَ الْاَمْثَالُ نَضْرِبُهَا لِلنَّاسِ وَ مَا يَعْقِلُهَا اِلَّا الْعٰلِمُوْنَ﴾ ان مثالوں کو ہم لوگوں کو سامنے بیان کر رہے ہیں انہیں صرف علم والے ہی سمجھتے ہیں۔ اس طرح واضح ہو جاتا ہے۔