سورة الزمر

تَنزِيلُ الْكِتَابِ مِنَ اللَّهِ الْعَزِيزِ الْحَكِيمِ

اس کتاب کا نزول اللہ کی طرف سے ہے جہ غالب حکمتوں والا ہے

مکی سورۃ کا آغاز عموماً ایسی ہی آیات سے ہوا ہے وجہ یہ ہے کہ کفار مکہ رسول اللہ صلی اللہ علیہ وسلم کی دعوت اور کلام کو منزل من اللہ نہیں سمجھتے تھے۔ اس آیت میں ایک تو یہ بتایا گیا ہے کہ یہ کتاب نبی کی اپنی تصنیف نہیں بلکہ اللہ کی طرف سے نازل شدہ ہے۔ دوسرا یہ کہ وہ اللہ بہت زبردست ہے اور اپنے فرامین و احکام کو نافذ کرنے کی طاقت رکھتا ہے تیسرا یہ کہ چوں کہ اللہ حکیم ہے۔ لہٰذا اس کا یہ کلام بھی حکمتوں سے لبریز ہے۔ جو اپنے اقوال افعال، شریعت، تقدیر سب میں حکمتوں والا ہے۔