سورة الصافات

وَتَرَكْنَا عَلَيْهِمَا فِي الْآخِرِينَ

اور پچھلوں میں ہم نے ان کا ذکر وخیر باقی رکھا

یعنی ان دونوں نبیوں نے بھی راہ حق میں بے شمار قربانیاں دیں تھیں وہ اپنی جانیں ہتھیلی پر رکھ کر اللہ کے حکم کے تحت فرعون جیسے جابر و ظالم فرمانروا کے پاس پہنچ گئے تھے۔ جب کہ سیدنا موسیٰ علیہ السلام خود ان کے مجرم بھی تھے۔ پھر انھوں نے فرعون سے بنی اسرائیل کی رہائی کا مطالبہ کیا جو اسے سیخ پا کر دینے والا تھا۔ اور بنی اسرائیل کی نجات کے بعد انھوں نے اس بگڑی قوم کو سنوارنے کے لیے مقدور بھر کوششیں کی تھیں۔