سورة آل عمران

فَمَن تَوَلَّىٰ بَعْدَ ذَٰلِكَ فَأُولَٰئِكَ هُمُ الْفَاسِقُونَ

پھر اس کے بعد جب کوئی پھرجائے تو ایسے ہی لوگ فاسق ہیں ۔

اس آیت میں اہل کتاب (یہود و نصاریٰ) اور دیگر اہل مذاہب کو تنبیہ کی ہے کہ بعثت محمد ی کے بعد بھی ان پر ایمان لانے کی بجائے اپنے اپنے مذہب پر قائم رہنا اس عہد کے خلاف ہے جو اللہ تعالیٰ نے نبیوں کے واسطے سے ہر امت سے لیا ہے اور اس عہد سے انحراف کفر ہے۔ یہاں فسق کفر کے معنی میں ہے کیونکہ نبوت محمدی سے انکار صر ف فسق نہیں بلکہ سراسر کفر ہے۔