سورة سبأ - آیت 44

وَمَا آتَيْنَاهُم مِّن كُتُبٍ يَدْرُسُونَهَا ۖ وَمَا أَرْسَلْنَا إِلَيْهِمْ قَبْلَكَ مِن نَّذِيرٍ

ترجمہ سراج البیان - مولانا حنیف ندوی

اور ہم نے ان کو کچھ کتابیں بھی نہیں دیں کہ انہیں پڑھتے ہوں اور نہ تجھ سے پہلے ہم نے ان کی طرف کوئی ڈرانے والا ہی بھیجا

تسہیل البیان فی تفسیر القرآن - ام عمران شکیلہ بنت میاں فضل حسین

کفار کے پاس نہ کوئی کتاب تھی نہ کوئی ڈرانے والا آیا: یعنی ان کے پاس نہ کوئی نبی آیا اور نہ اللہ کی کتاب ہی نازل ہوئی اس لیے انھیں مدتوں سے یہ تمنا تھی کہ اگر اللہ کا رسول ہم میں آتا، اگر کتاب اللہ ہم پر اترتی تو ہم سب سے زیادہ مطیع و پابند ہو جاتے لیکن جب اللہ نے ان کی یہ دیرینہ آرزو پوری کی تو جھٹلانے اور انکار کرنے لگے۔ (ابن کثیر)