سورة السجدة

وَيَقُولُونَ مَتَىٰ هَٰذَا الْفَتْحُ إِن كُنتُمْ صَادِقِينَ

اور کہتے ہیں کہ یہ فتح کب ہوگی اگر تم سچے ہو ؟۔

یعنی کافروں کا ہمیشہ یہ سوال ہوتا ہے کہ ہمیں جو عذاب کے نزول کی دھمکی دیتے ہو۔ اور یہ کہ تم ہم پر فتح پاؤ گے اور ہم سے بدلہ لے لو گے، وہ وقت کب آئے گا؟ ہم تو تمہیں مدتوں سے مغلوب، زیر اور بے وقعت دیکھ رہے ہیں۔ چھپ رہے ہو۔ ڈر رہے ہو اگر سچے ہو تو اپنے غلبے کا اور اپنی فتح کا وقت تو بتاؤ۔