سورة آل عمران - آیت 60

الْحَقُّ مِن رَّبِّكَ فَلَا تَكُن مِّنَ الْمُمْتَرِينَ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

یہ حق بات ہے تیرے رب کی طرف سے ، سو تو شک کرنے والوں میں سے نہ ہو ۔

تسہیل البیان فی تفسیر القرآن - ام عمران شکیلہ بنت میاں فضل حسین

حضرت عیسیٰ کی پیدائش کے بارے میں اللہ تعالیٰ نے فرمایا کہ اللہ تعالیٰ نے جو کچھ فرمایا ہے وہ سچ اور حق ہے ۔ اس میں شک کی کوئی گنجائش نہیں۔ اس لیے آپ شک کرنے والوں میں سے نہ ہونا۔