سورة آل عمران - آیت 59

إِنَّ مَثَلَ عِيسَىٰ عِندَ اللَّهِ كَمَثَلِ آدَمَ ۖ خَلَقَهُ مِن تُرَابٍ ثُمَّ قَالَ لَهُ كُن فَيَكُونُ

ترجمہ سراج البیان - مولانا حنیف ندوی

بےشک عیسیٰ (علیہ السلام) کی مثال خدا کے نزدیک آدم (علیہ السلام) جیسی مثال ہے کہ اس کو خدا نے مٹی سے بنایا اور پھر اس سے کہا کہ ہوجا اور وہ ہوگیا ۔

تسہیل البیان فی تفسیر القرآن - ام عمران شکیلہ بنت میاں فضل حسین

اللہ تعالیٰ نے حضرت آدم کی مثال دے کر بتایا ہے کہ وہ تو بے ماں باپ کے پیدا ہوئے۔ جبكہ حضرت عیسیٰ کی تو پھر بھی والدہ ہیں۔ یہ اللہ کی قدرت کاملہ ہے کہ وہ جو چاہتا ہے ہوجاتا ہے کن فیکون کہا اور ہوگیا اسی طرح حضرت عیسیٰ کو زندہ آسمانوں پر اٹھایا گیا ہے آپ کا وصال نہیں ہوا۔