سورة آل عمران

وَيُكَلِّمُ النَّاسَ فِي الْمَهْدِ وَكَهْلًا وَمِنَ الصَّالِحِينَ

وہ لوگوں سے ماں کی گود میں اور پوری عمر کا ہو کے (بھی) کلام کرے گا اور وہ نیک بختوں میں ہے (ف ١) ۔

حضرت عیسیٰ علیہ السلام کے گہوارے میں کلام کا ذکر خود قرآن کریم کی سورۃ مریم میں موجود ہے۔ اس کے علاوہ صحیح حدیث میں دو بچوں کا ذکر ہے۔ رسول اللہ صلی اللہ علیہ وسلم نے فرمایا: گہوارے میں تین بچوں کے سوا کسی نے بات نہیں کی ان میں سے ایک (۱)عیسیٰ ابن مریم ہیں۔ (۲) بنی اسرائیل کا وہ بچہ ہے جسے جریج سے منسوب کیا گیا اور بچے نے جریح کی براء ت بیان کی اور بول کر اپنے اصلی باپ کا نام بتا دیا۔ (۳) تیسرا وہ بچہ جس نے ماں کی چھاتی چھوڑ کر کہا تھا۔ یا اللہ! مجھے اس ظالم سوار کی طرح نہ بنانا۔ ‘‘ (بخاری: ۳۴۳۶۔ مسلم: ۲۵۵۵۰)