سورة العنكبوت

وَعَادًا وَثَمُودَ وَقَد تَّبَيَّنَ لَكُم مِّن مَّسَاكِنِهِمْ ۖ وَزَيَّنَ لَهُمُ الشَّيْطَانُ أَعْمَالَهُمْ فَصَدَّهُمْ عَنِ السَّبِيلِ وَكَانُوا مُسْتَبْصِرِينَ

اور عاد اور ثمود کو ہلاک کیا ، اور (اے اہل مکہ) ان کے بعض گھر (یعنی کھنڈرات) تمہارے سامنے ظاہر ہیں ۔ اور ان کے اعمال شیطان نے ان کے لئے مزین کئے تھے ۔ پھر انہیں راہ سے روکا تھا اور حالانکہ اپنے گمان میں وہ دانشمند تھے

قوم عاد، قوم ثمود اپنے اپنے دور کی ترقی یافتہ اور مہذب قومیں تھیں۔ سمجھد ار تھے، طاقتور تھے بالخصوص سنگ تراشی میں بہت مہارت رکھتے تھے، لیکن اللہ کے معاملہ میں شیطان نے ان کی مت ماردی تھی اور دین کے معاملے میں انہوں نے اپنی عقل و بصیرت سے کچھ کام نہ لیا۔