سنی ان سنی نہ کرو: دن اوررات یہ اللہ کی دونوں بہت بڑی نعمتیں ہیں۔رات کوتاریک بنایاتاکہ سب لوگ آرام کر سکیں، اس اندھیرے کی وجہ سے سب مخلوق سونے اورآرام کرنے پرمجبورہے۔اگررات ہی رات رہتی توتم عاجز آ جاتے، تمہارے کام رک جاتے،زندگی وبال بن جاتی،تم تھک جاتے،اُکتاجاتے کسی کونہ پاتے جوتمہارے لیے دن نکال سکے،کہ تم اس کی روشنی میں چلو پھرو، اپنے کام کاج کرلو۔افسوس کہ تم سن کربھی ان سنی کر دیتے ہو۔