سورة القصص - آیت 6
وَنُمَكِّنَ لَهُمْ فِي الْأَرْضِ وَنُرِيَ فِرْعَوْنَ وَهَامَانَ وَجُنُودَهُمَا مِنْهُم مَّا كَانُوا يَحْذَرُونَ
ترجمہ سراج البیان - مولانا حنیف ندوی
اور انہیں زمین میں قدرت دیں ۔ اور فرعون اور ہامان اور ان کے لشکروں کو اسرائیلیوں کے ہاتھ سے وہی بات دکھلائیں جس سے وہ ڈرتے تھے (کہ اسرائیل غالب نہ ہوجائیں)
تسہیل البیان فی تفسیر القرآن - ام عمران شکیلہ بنت میاں فضل حسین
یعنی فرعون، ہامان اور ان کے ساتھیوں کی کوشش یہ تھی کہ بنی اسرائیل کو اتناکمزوربنادیاجائے کہ وہ آئندہ سراٹھانے کے قابل نہ رہیں ۔ اسی غرض سے ان کی نسل ختم کرنے کی سکیم تیار کی گئی تھی ۔ مگر ہم چاہتے تھے کہ جس خطرہ سے بچنے کے لیے وہ سارے پاپڑ بیل رہے تھے ہم ان کی آنکھوں سے انھیں دکھا دیں کہ اللہ کی تقدیر کبھی ٹل نہیں سکتی، نہ اسے کوئی طاقت روک سکتی ہے اور نا اس میں تاخیر پیداکرسکتی ہے۔