سورة النمل - آیت 86

أَلَمْ يَرَوْا أَنَّا جَعَلْنَا اللَّيْلَ لِيَسْكُنُوا فِيهِ وَالنَّهَارَ مُبْصِرًا ۚ إِنَّ فِي ذَٰلِكَ لَآيَاتٍ لِّقَوْمٍ يُؤْمِنُونَ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

کیا انہوں نے یہ نہیں دیکھا کہ ہم نے رات بنائی تاکہ اس میں آرام اور دن بنایا دیکھنے کو بےشک ان میں ان لوگوں کے لئے جو ایمان رکھتے ہیں نشانیاں ہیں۔ (ف 2)

تسہیل البیان فی تفسیر القرآن - ام عمران شکیلہ بنت میاں فضل حسین

غور وفکر کرنے والوں کے لیے بے شمار نشانیاں ہیں جو اللہ کی توحید اور قدرت کاملہ پر دلالت کرتی ہیں۔ جو کھلی دلیل ہے اس کی اطاعت کی فرضیت پر، اس کے حکموں کو بجا لانے پر اور اس کے منع کردہ کاموں سے رکے رہنے پر، اور اس کے نبیوں کو سچا ماننے کی اصلیت پر کہ اس نے رات کو پُر سکون بنایاتاکہ تم آرام حاصل کرلو، دن بھر کی تھکان دو ر کرلو، اور دن کو روشن بنایاتاکہ تم کسب معاش میں دوڑ دھوپ کر لو۔ سفر، تجارت، کا روبار با آسانی کرسکو۔ یہ تمام چیزیں ایک مومن کے لیے تو کافی سے زیادہ دلیل ہیں۔