سورة النمل - آیت 68

لَقَدْ وُعِدْنَا هَٰذَا نَحْنُ وَآبَاؤُنَا مِن قَبْلُ إِنْ هَٰذَا إِلَّا أَسَاطِيرُ الْأَوَّلِينَ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

ہمیں اور ہم سے پہلے ہمارے باپ دادوں کو یہی وعدہ ملتارہا ہے۔ کچھ نہیں ۔ یہ صرف اگلے لوگوں کے ڈھکوسلے ہیں۔

تسہیل البیان فی تفسیر القرآن - ام عمران شکیلہ بنت میاں فضل حسین

وہ اس پر سخت متعجب ہیں کہ مدتوں سے، اگلے زمانوں سے یہ سنتے تو چلے آتے ہیں لیکن ہم نے تو کسی کو مرنے کے بعد جیتا ہوادیکھا نہیں بس یہ سنی سنائی باتیں ہیں ۔ انہوں نے اپنے اگلوں سے سنیں، انہوں نے اپنے پہلے والوں سے سنیں اور ہم تک پہنچیں ان میں کچھ حقیقت نہیں۔