سورة النمل - آیت 67

وَقَالَ الَّذِينَ كَفَرُوا أَإِذَا كُنَّا تُرَابًا وَآبَاؤُنَا أَئِنَّا لَمُخْرَجُونَ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

اور کافروں نے کہا کہ جب ہم اور ہمارے باپ دادا مٹی ہوگئے تو کیا البتہ ہم پھر نکالے جائیں گے۔

تسہیل البیان فی تفسیر القرآن - ام عمران شکیلہ بنت میاں فضل حسین

کیا ہم اٹھائے جائیں گے: منکرین قیامت کی سمجھ میں اب تک بھی نہیں آیا کہ مرنے اور سڑگل جانے کے بعد، مٹی اور راکھ ہوجانے کے بعد ہم دوبارہ کیسے پیدا کیے جائیں گے ۔