تیسرا یہ خط رحمٰن و رحیم کے نام سے شروع کیاگیاتھا کہ ان ناموں سے یہ لوگ قطعاً متعارف نہ تھے اور چوتھے یہ کہ اس انتہائی مختصر سے خط میں ملکہ سے مکمل اطاعت کااور پھر اس کے بعد سیدنا سلیمان علیہ السلام کے پاس حاضر ہونے کامطالبہ کیاگیاتھا۔اور یہ بھی بتادیا گیاتھاکہ میرے مقابلے میں سرکشی کی راہ اختیار نہ کرنا ورنہ نقصان اٹھاؤ گے ۔ پانچویں یہ کہ انداز خطاب ایسا تھاجس میں کسی قسم کی کوئی لچک نہ پائی جاتی تھی۔