سورة آل عمران

كَدَأْبِ آلِ فِرْعَوْنَ وَالَّذِينَ مِن قَبْلِهِمْ ۚ كَذَّبُوا بِآيَاتِنَا فَأَخَذَهُمُ اللَّهُ بِذُنُوبِهِمْ ۗ وَاللَّهُ شَدِيدُ الْعِقَابِ

جیسے فرعونیوں اور ان سے پہلوں کا حال تھا کہ انہوں نے ہماری نشانیوں کو جھٹلایا تو خدا نے ان کو ان کے گناہوں میں پکڑا اور اللہ سخت عذاب دینے والا ہے (ف ١)

آیت نمبر ۱۰میں جیسے آل فرعون اور دوسری قوموں کی بربادی کا ذکر کیا گیا ہے۔ اس آیت میں بھی اللہ تعالیٰ نے انسانی نفسیات کو جھنجھوڑا ہے کہ جس نے ہماری آیات کو جھٹلایا اور کفر کیا ان کا حشر بھی ان جیسا ہی ہوگا اس لیے سبق حاصل کرنا چاہیے کہ وہ سزا دینے والا ہے اور وہ شدت سے عذاب دے گا۔