سورة الأنبياء

لَا يَسْمَعُونَ حَسِيسَهَا ۖ وَهُمْ فِي مَا اشْتَهَتْ أَنفُسُهُمْ خَالِدُونَ

وہ دوزخ کی آہٹ بھی نہ سنیں گے اور وہ اس مزوں میں جن کو ان کا جی چاہے گا ہمیشہ رہیں گے ۔

ان آیات میں مشرکوں اور ان کے معبودوں کے مقابلہ میں نیک لوگوں کے احوال کا ذکر کیا گیا ہے۔ خواہ انھیں کسی نے معبود بنا رکھا تھا یا نہیں، ایسے لوگ جہنم سے اتنے دور رکھے جائیں گے کہ وہ اہل دوزخ کی کسی قسم کی چیخ و پکار یا آہٹ تک نہ سننے پائیں گے اور وہ ان سے دور رہ کر اللہ تعالیٰ کے دی ہوئی نعمتوں میں سے اپنی حسب پسند نعمتوں کے مزے اُڑائیں گے۔