سورة الأنبياء

وَهَٰذَا ذِكْرٌ مُّبَارَكٌ أَنزَلْنَاهُ ۚ أَفَأَنتُمْ لَهُ مُنكِرُونَ

اور یہ ذکر (قرآن) مبارک ہے جسے ہم نے اتارا ہے سو کیا تم اس کے منکر ہو (ف ٢) ۔

قرآن کی صفات بمقابلہ تورات: اے قریشیو! یہ قرآن جسے ہم نے تمھاری طرف نازل کیا ہے۔ یہ تورات سے بھی زیادہ بابرکت ہے، جس میں تمام سابقہ آسمانی کُتب کی خوبیاں بھی موجود ہیں اور ان سب کا خلاصہ بھی اس میں آگیا ہے۔ علاوہ ازیں اس میں انسان کی ہدایت سے متعلق ہر چیز کو پوری تفصیل سے بیان کر دیا گیا ہے۔ گویا یہ قرآن، فرقان بھی ہے۔ ضیاء اور نور بھی ہے۔ ذکر و تذکرہ بھی ہے اور قیامت تک کے لوگوں کے لیے رحمت اور باعث برکت بھی ہے، پھر بھی اگر تم ایسی بابرکت کتاب سے انکار کرتے ہو تو تمھاری بدبختی میں کیا شبہ ہو سکتا ہے۔