سورة الأنبياء

وَكَمْ قَصَمْنَا مِن قَرْيَةٍ كَانَتْ ظَالِمَةً وَأَنشَأْنَا بَعْدَهَا قَوْمًا آخَرِينَ

اور ہم نے بہت سی بستیاں جو ظالم تھیں ، توڑ پھوڑ کر برباد کیں ، اور ان کے بعد دوسرے نئے لوگ پیدا کئے (ف ١) ۔

یعنی یہ نہیں ہوا تھا کہ ظالم قوموں کو ہلاک کرنے کے بعد یہ زمین بے آباد اور ویران رہ گئی تھی بلکہ اس زمین پر ہم نے فوراً دوسرے لوگ لاکر آباد کر دیے اور اس کا اگر کچھ نقصان پہنچا تھا تو ان ظالموں ہی کو پہنچا تھا۔ چنانچہ ارشاد ہے: ﴿وَ كَمْ اَهْلَكْنَا مِنَ الْقُرُوْنِ مِنۢ بَعْدِ نُوْحٍ﴾ (بنی اسرائیل: ۱۷) ’’قوم نوح کے بعد ہم نے کتنی ہی بستیاں ہلاک کر دیں۔‘‘