سورة الأنبياء

ثُمَّ صَدَقْنَاهُمُ الْوَعْدَ فَأَنجَيْنَاهُمْ وَمَن نَّشَاءُ وَأَهْلَكْنَا الْمُسْرِفِينَ

پھر ہم نے ان سے سچا وعدہ کیا سو انہیں اور جسے چاہا بچا لیا ، اور مسرفوں کو ہلاک کیا ۔

البتہ یہ بات ہر نبی کو پیش آتی رہی کہ اس کی دعوت پر کچھ لوگوں نے لبیک کہا۔ اور زیادہ قرآن کے مخالف بن گئے۔ پھر ہم نے انبیاء اور مومنین سے جو وعدے کیے تھے یعنی فتح و نصرت کے وہ سب پورے کر دیے اور ایسے لوگوں کو ہم نے بروقت عذاب سے بچا بھی لیا تھا لیکن جن لوگوں نے سرکشی کی راہ اختیار کی تھی ان سب کو ہلاک کر ڈالا۔ یہ بات بھی تم اے قریش مکہ، اہل کتاب سے پوچھ سکتے ہو۔