سورة طه - آیت 50

قَالَ رَبُّنَا الَّذِي أَعْطَىٰ كُلَّ شَيْءٍ خَلْقَهُ ثُمَّ هَدَىٰ

ترجمہ سراج البیان - مولانا حنیف ندوی

کہا ہمارا رب وہ ہے جس نے ہر شے کو اس کی (مناسب) صورت عطا فرمائی ، پھر اسے ہدایت فرمائی (ف ١) ۔

تسہیل البیان فی تفسیر القرآن - ام عمران شکیلہ بنت میاں فضل حسین

یہاں اللہ تعالیٰ نے (خَلَقَ کُلَّ شَیْءٍ) نہیں بلکہ (اَعْطٰی کُلَّ شَیْءٍ خَلَقَہٗ) فرمایا ہے۔ یعنی اللہ تعالیٰ نے پیدائش کے وقت اسے ایک خاص شکل و صورت عطا فرمائی اور وہی اُس کے لیے مناسب تھی۔ مثلاً اللہ تعالیٰ نے جس مقام پر انسان کی آنکھیں، ناک اور کان یا دوسرے اعضا بنائے تو وہی مقامات ان اعضا کے لیے مناسب تھے اگر ادھر اُدھر کر دیے جاتے تو ہر چیز بدصورت ہوتی۔