سورة مريم - آیت 97

فَإِنَّمَا يَسَّرْنَاهُ بِلِسَانِكَ لِتُبَشِّرَ بِهِ الْمُتَّقِينَ وَتُنذِرَ بِهِ قَوْمًا لُّدًّا

ترجمہ سراج البیان - مولانا حنیف ندوی

سو ہم نے یہ قرآن تیری زبان میں آسان کردیا تاکہ تو اس سے متقیوں کو بشارت دے ، اور اس سے جھگڑالو لوگوں کو ڈرائے (ف ٢) ۔

تسہیل البیان فی تفسیر القرآن - ام عمران شکیلہ بنت میاں فضل حسین

کج بحثی کرنے والے: مراد ہٹ دھرم، جھگڑالو، اور کج بحثی کرنے والے قریشی سردار ہیں جو ہربات میں اعتراضات نکالنے کے عادی تھے۔ انھیں ہی یہ تنبیہ کی جا رہی ہے کہ تمھارے جیسی بہت سی اقوام کو ہم نے یوں تہس نہس کر دیا کہ ان کا نام و نشان صفحہ ہستی سے مِٹ چکا ہے۔ اور ان کی شیخیوں، گستاخیوں کی آج بھنک تک سنائی نہیں دیتی۔ الحمد للہ