سورة مريم - آیت 40

إِنَّا نَحْنُ نَرِثُ الْأَرْضَ وَمَنْ عَلَيْهَا وَإِلَيْنَا يُرْجَعُونَ

ہم ہی زمین کے اور ہر کسی شخص کے جو زمین پر ہے وارث ہوں گے اور وہ سب ہماری طرف آئیں گے ۔

یعنی اس دن نہ کسی کا مُلک باقی رہے گا نہ مِلک باقی رہے گی۔ ہر چیز براہ راست مالک حقیقی کی طرف لوٹ جائے گی وہی علی الاطلاق ہر چیز کا مالک و مختار ہوگا۔ وہی ہر چیز کا وارث ہوگا مُلک و مِلک کے دعوے دار وہاں خالی ہاتھ اللہ کے سامنے پیش ہوں گے۔