سورة الكهف - آیت 1
الْحَمْدُ لِلَّهِ الَّذِي أَنزَلَ عَلَىٰ عَبْدِهِ الْكِتَابَ وَلَمْ يَجْعَل لَّهُ عِوَجًا ۜ
ترجمہ سراج البیان - مولانا حنیف ندوی
سب تعریف واسطے اللہ کے ہے جس نے اپنے بندہ پر کتاب نازل کی ، اور اس میں کچھ عیب نہ رکھا ۔
تسہیل البیان فی تفسیر القرآن - ام عمران شکیلہ بنت میاں فضل حسین
یعنی اللہ تعالیٰ کے مستحق حمد وثنا ہونے کی ایک وجہ یہ بھی ہے کہ اس نے ایسی کتاب نازل فرمائی ہے جو اپنے مطلب صاف صاف بیان کرتی ہے۔ اس کے مطالب میں کوئی پیچ و خم ہے اور نہ اس کے انداز بیاں میں کوئی پیچیدگی یا اُلجھاؤ ہے۔