سورة ابراھیم - آیت 52

هَٰذَا بَلَاغٌ لِّلنَّاسِ وَلِيُنذَرُوا بِهِ وَلِيَعْلَمُوا أَنَّمَا هُوَ إِلَٰهٌ وَاحِدٌ وَلِيَذَّكَّرَ أُولُو الْأَلْبَابِ

ترجمہ سراج البیان - مولانا حنیف ندوی

یہ لوگوں کو پہنچا دینا ہے ، اور تاکہ وہ اس سے ڈرائے جائیں ، اور تاجانیں ، کہ وہی ایک معبود ہے اور تاکہ عقلمند نصیحت پکڑیں ۔

تسہیل البیان فی تفسیر القرآن - ام عمران شکیلہ بنت میاں فضل حسین

یعنی قرآن کا پیغام ایسی چیز ہے جسے تمام لوگوں تک پہنچانا ضروری ہے اور اس کے تین فائدے ہیں : (۱) لوگوں کو ان کے برے اعمال کے انجام سے بروقت خبردار کیاجائے اور ڈرایاجائے۔ (۲) لوگوں کو معلوم ہوجائے کہ ان کے اعمال پر گرفت کرنے والی صرف ایک ہی ہستی ہے لہٰذا ہر حال میں اُسی کی طرف رجوع کیاجائے، اس کی بندگی کی جائے اور اپنے نفع و نقصان کے وقت اُسے ہی پکارا جائے۔ (۳) قرآن میں مذکور آیات و واقعات سے اہل دانش عبرت اور سبق حاصل کریں۔ الحمدللہ!