سورة ابراھیم

وَسَكَنتُمْ فِي مَسَاكِنِ الَّذِينَ ظَلَمُوا أَنفُسَهُمْ وَتَبَيَّنَ لَكُمْ كَيْفَ فَعَلْنَا بِهِمْ وَضَرَبْنَا لَكُمُ الْأَمْثَالَ

اور جن لوگوں نے اپنی جانوں پر ستم کیا تم ان کے گھروں میں رہتے تھے ، اور تم پر کھل چکاتھا کہ ہم نے ان سے کیا سلوک کیا تھا ، اور ہم کہاوتیں تمہیں سنا چکے تھے ۔

یعنی عبرت کے لیے ہم نے ان کو ان پچھلی قوموں کے واقعات بیان کردیے ہیں جن کے گھروں میں اب تم آباد ہو اور ان کے کھنڈا بھی تمہیں دعوت غور و فکر دے رہے ہیں اگر تم ان سے عبرت نہ پکڑو اور ان کے انجام سے بچنے کی کوشش نہ کرو تو تمہاری مرضی تم بھی اسی انجام کے لیے تیار رہو۔