سورة یوسف - آیت 82

وَاسْأَلِ الْقَرْيَةَ الَّتِي كُنَّا فِيهَا وَالْعِيرَ الَّتِي أَقْبَلْنَا فِيهَا ۖ وَإِنَّا لَصَادِقُونَ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

اور اس شہر (والوں) سے پوچھ ، جس میں ہم تھے اور اس قافلہ سے (پوچھ) جس میں ہم آئے ہیں ، اور ہم ضرور سچے ہیں ۔ (ف ١)

تسہیل البیان فی تفسیر القرآن - ام عمران شکیلہ بنت میاں فضل حسین

یعنی اگر آپ کو ہماری بات کا یقین نہ ہو تو اہل مصر سے دریافت کرلیجیے یا اس قافلہ والوں سے پوچھ لیجیے جو ہمارے ساتھ تھے کہ ہم نے صداقت، امانت اور حفاظت میں کوئی کسر اٹھا نہ رکھی اور ہم جو کچھ کہہ رہے ہیں وہ بالکل راستی پر مبنی ہے۔