سورة ھود - آیت 123
وَلِلَّهِ غَيْبُ السَّمَاوَاتِ وَالْأَرْضِ وَإِلَيْهِ يُرْجَعُ الْأَمْرُ كُلُّهُ فَاعْبُدْهُ وَتَوَكَّلْ عَلَيْهِ ۚ وَمَا رَبُّكَ بِغَافِلٍ عَمَّا تَعْمَلُونَ
ترجمہ سراج البیان - مولانا حنیف ندوی
اور زمین اور آسمانوں کی پوشیدہ بات خدا کے پاس ہے اور سارا کام اسی کی طرف جاتا ہے ، تو اس کی عبادت کر اور اس پر بھروسا رکھ ، اور تیرا رب ان کے کاموں سے غافل نہیں ۔
تسہیل البیان فی تفسیر القرآن - ام عمران شکیلہ بنت میاں فضل حسین
آسمان و زمین کے ہر غیب کو جاننے والا صرف اللہ تعالیٰ عزوجل ہی ہے۔ اسی کی سب کو عبادت کرنی چاہیے۔ معاملات سب اُسی کی طرف لوٹائے جاتے ہیں جو بھی اس پر بھروسہ رکھے گا وہ اس کے لیے کافی ہے۔ حضرت کعب رضی اللہ عنہ فرماتے ہیں کہ تورات کا خاتمہ بھی انھی آیتوں پر ہے۔ اللہ تعالیٰ مخلوق میں سے کسی کے عمل سے بے خبر نہیں۔ (تفسیر طبری: ۱۵/ ۵۴۵، ح: ۱۸۷۶۷)