سورة ھود - آیت 93

وَيَا قَوْمِ اعْمَلُوا عَلَىٰ مَكَانَتِكُمْ إِنِّي عَامِلٌ ۖ سَوْفَ تَعْلَمُونَ مَن يَأْتِيهِ عَذَابٌ يُخْزِيهِ وَمَنْ هُوَ كَاذِبٌ ۖ وَارْتَقِبُوا إِنِّي مَعَكُمْ رَقِيبٌ

ترجمہ سراج البیان - مولانا حنیف ندوی

اور اے قوم ! تم اپنی جگہ میں کام کئے جاؤ میں اپنی جگہ کام کرتا ہوں ، آئندہ کو تمہیں معلوم ہوجائیگا کہ رسوائی کا عذاب کس پر آتا ہے اور کون جھوٹا ہے اور تا کہتے رہو میں بھی تمہارے ساتھ تاکتا ہوں (ف ١) ۔

تسہیل البیان فی تفسیر القرآن - ام عمران شکیلہ بنت میاں فضل حسین

جب انھوں نے دیکھا کہ یہ قوم اپنے کفر و شرک پر مصر ہے۔ اور وعظ و نصیحت کا بھی ان پر کوئی اثر نہیں ہو رہا تو کہا اچھا تم اپنی ڈگر پر چلتے رہو میں اپنا کام جاری رکھوں گا، تاآنکہ اللہ تعالیٰ خود ہی فیصلہ کردے جس سے ہر ایک کو معلوم ہو جائے گا کہ ہم میں سے راست پر کون تھا غلط کار کون تھا؟