سورة یونس - آیت 82

وَيُحِقُّ اللَّهُ الْحَقَّ بِكَلِمَاتِهِ وَلَوْ كَرِهَ الْمُجْرِمُونَ

ترجمہ سراج البیان - مولانا حنیف ندوی

اور اللہ اپنے حکم سے حق کو حق کرتا ہے ‘ اگرچہ مجرم برا نہ مانیں ۔

تسہیل البیان فی تفسیر القرآن - ام عمران شکیلہ بنت میاں فضل حسین

یہ بات اللہ کی عادت و حکمت کے خلاف ہے کہ کسی جگہ حق و باطل کا معرکہ در پیش ہو، اور مصلح کے مقابلہ میں مفسد کھڑے ہوں اور اس سے مقصود و اتمام حجت ہو تو ایسے مواقع پر اللہ تعالیٰ حق کی مدد کرتا اور سچ کو سب لوگوں کے سامنے سچ کرکے دکھلا دیتا ہے چاہے مجرموں کو ناگوار ہو۔