قسمیں کھانے کا مقصد: یعنی جب تمہارے لوٹنے پر اپنے عذر پیش کرکے اپنے بیان پر قسمیں کھانے لگیں تو ان سے سوالات کرکے تحقیق شروع نہ کردینا۔ وہ عذر سوالات کے لیے نہیں بلکہ اس لیے پیش کر رہے ہیں کہ آپ ان سے درگزر کریں۔ پس آپ ان سے اعراض ہی کریں اور ان کو ان کے حال پر چھوڑ دو۔ یہ لوگ اپنے عقائد و اعمال کے لحاظ سے پلید ہیں۔ انھوں نے جو کچھ کیا ہے اسکا بدلہ جہنم ہی ہے۔ ان کی خواہش صرف آپ کو راضی کرنا ہے اور اگر آپ ان سے راضی ہوبھی جاؤ تو اللہ ان بدکاروں سے کبھی راضی نہیں ہوگا۔