سورة الانفال - آیت 59

وَلَا يَحْسَبَنَّ الَّذِينَ كَفَرُوا سَبَقُوا ۚ إِنَّهُمْ لَا يُعْجِزُونَ

ترجمہ سراج البیان - مولانا حنیف ندوی

اور کافر یہ نہ سمجھیں کہ وہ بھاگ نکلے ہیں ، وہ (ہمیں) تھکا نہ سکیں گے ۔

تسہیل البیان فی تفسیر القرآن - ام عمران شکیلہ بنت میاں فضل حسین

اللہ تعالیٰ فرماتا ہے کہ کافروں کو یہ بات اچھی طرح ذہن نشین کرلینی چاہیے کہ ان کا جھوٹ، دغا، مکر و فریب، عیاری و مکاری اور ان کی سازشیں اسلام کا راستہ روکنے میں کبھی کامیاب نہ ہوسکیں گی، اس آیت کے مخاطب یہود مدینہ اور منافقین ہیں جو ہر وقت مسلمانوں کو زیر کرنے کی تدبیریں سوچتے اور ایک دوسرے کے ہمراز بنے رہتے تھے۔