سورة الانفال - آیت 18

ذَٰلِكُمْ وَأَنَّ اللَّهَ مُوهِنُ كَيْدِ الْكَافِرِينَ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

یہ تو ہوچکا اور جان رکھو کہ اللہ کافروں کی تدبیر کو سست کرے گا ۔

تسہیل البیان فی تفسیر القرآن - ام عمران شکیلہ بنت میاں فضل حسین

یعنی مدد کی ان سب صورتوں کا فائدہ مسلمانوں کو پہنچتا رہا، اور ساتھ ہی ساتھ کافروں کو اُتنا ہی نقصان پہنچتا رہا اور جو تدبیر وہ مسلمانوں کو کمزور کرنے کے لیے کر رہے تھے اللہ نے اسے توڑ کے رکھ دیا، اور ان کے منصوبے خاک میں ملا دیے۔