سورة الاعراف

قَالَ رَبِّ اغْفِرْ لِي وَلِأَخِي وَأَدْخِلْنَا فِي رَحْمَتِكَ ۖ وَأَنتَ أَرْحَمُ الرَّاحِمِينَ

موسی (علیہ السلام) نے کہا اے میرے رب مجھے اور میرے بھائی کو بخش دے اور ہمیں اپنی رحمت میں داخل کر اور تو سب سے زیادہ رحم کرنے والا ہے ۔

حضرت موسیٰ علیہ السلام کی بھائی کے لیے دُعا مغفرت : حضرت ہارون علیہ السلام کے حلیمانہ جواب سے حضرت موسیٰ علیہ السلام کی طبیعت کچھ اعتدال پر آئی تو سمجھے کہ انھوں نے اپنے بھا ئی پر زیادتی کی ہے، لہذا فوراَ اپنے پروردگار کی طرف رجوع کیا اور دُعا کی کہ مجھے بھی بخش دے اور میرے بھا ئی سے بھی اگر ان لوگوں کو شرک سے باز رکھنے میں کچھ کوتاہی واقعہ ہوئی ہے تو اسے بھی معاف فرمادے اور ہمیں اپنی رحمت سے ڈھانپ لے۔