سورة الاعراف - آیت 92

الَّذِينَ كَذَّبُوا شُعَيْبًا كَأَن لَّمْ يَغْنَوْا فِيهَا ۚ الَّذِينَ كَذَّبُوا شُعَيْبًا كَانُوا هُمُ الْخَاسِرِينَ

ترجمہ سراج البیان - مولانا حنیف ندوی

جنہوں نے شیعب (علیہ السلام) کو جھٹلایا (ایسے ہوگئے) کہ گویا وہاں کبھی نہ بستے تھے ، جنہوں نے شعیب (علیہ السلام) کو جھٹلایا ، وہی زیاں کار ہوئے ۔

تسہیل البیان فی تفسیر القرآن - ام عمران شکیلہ بنت میاں فضل حسین

جن لوگوں نے شعیب علیہ السلام کو دھمکی دی تھی کہ ہم تمہیں اور تمہارے ساتھیوں کو یہاں سے ملک بدر کر دیں گے، عذاب نا زل ہو نے کے بعد یہ بستیاں یوں سنسان و ویران ہو گئیں جیسے یہاں کو ئی آباد ہی نہ ہوا تھا۔ اللہ کے پیغمبروں کو جھٹلا نے کا ایسا ہی انجام ہو تا ہے، خودہی نیست ونا بود ہوگئے۔