سورة الاعراف - آیت 90

وَقَالَ الْمَلَأُ الَّذِينَ كَفَرُوا مِن قَوْمِهِ لَئِنِ اتَّبَعْتُمْ شُعَيْبًا إِنَّكُمْ إِذًا لَّخَاسِرُونَ

ترجمہ سراج البیان - مولانا حنیف ندوی

اور اس کی قوم کے کافروں نے کہا (اے لوگو) اگر تم شیعب (علیہ السلام) کے تابع ہوگئے ، تو بےشک تم نقصان اٹھاؤ گے ۔

تسہیل البیان فی تفسیر القرآن - ام عمران شکیلہ بنت میاں فضل حسین

اپنے آبائی مذہب کوچھوڑنا اور ناپ تول میں کمی کرنا،یہ ان کے نزدیک خسارے والی با ت تھی، حالانکہ دونوں باتوں میں ان ہی کا فائدہ ہے لیکن دنیاوالوں کی نظر میں تو فوراََحاصل ہونے والا نفع ہی سب کچھ ہوتا ہے، جو ناپ تول میں ڈنڈی مار کر انھیں حاصل ہو رہا تھا۔ وہ اہل ایمان کی طرح آ خرت میں نفع ملنے کے انتظارمیں اسے کیوں چھوڑتے؟ سردارانِ قوم نے ان ایما ن لانے والوں کو مخاطب کر کے کہا کہ اگر تم لوگوں نے شعیب علیہ السلام کا ساتھ نہ چھوڑا تو ہم تمہارا جینا حرام کر دیں گے۔