سورة الاعراف

وَإِن كَانَ طَائِفَةٌ مِّنكُمْ آمَنُوا بِالَّذِي أُرْسِلْتُ بِهِ وَطَائِفَةٌ لَّمْ يُؤْمِنُوا فَاصْبِرُوا حَتَّىٰ يَحْكُمَ اللَّهُ بَيْنَنَا ۚ وَهُوَ خَيْرُ الْحَاكِمِينَ

اور اگر تم میں سے ایک گروہ نے میری رسالت کو قبول کرلیا ہے ، اور ایک گروہ ایمان نہیں لائے ، تو تم ٹھہر جاؤ حتی کہ اللہ ہمارے درمیان فیصلہ کرے ، اور وہ سب سے اچھا حاکم ہے ۔

ایک گروہ ایمان لے آیا اور ایک گروہ نے کفر کیا۔ شعیب علیہ السلام نے اپنی قوم سے کہا کہ اب تم خود دیکھ لو گے کہ اللہ کی مدد کس کا ساتھ دیتی ہے۔ اور کون اللہ کی نظروں سے گرجاتا ہے۔ تم سب اللہ کے فیصلے کے منتظر رہو وہ فیصلہ کرنے والوں میں سب سے اچھا اور سچا فیصلہ کرنے والا ہے تم دیکھو گے کہ اللہ والے بامراد ہونگے اور اللہ کے دشمن نامراد ہوں گے۔