سورة الاعراف - آیت 62

أُبَلِّغُكُمْ رِسَالَاتِ رَبِّي وَأَنصَحُ لَكُمْ وَأَعْلَمُ مِنَ اللَّهِ مَا لَا تَعْلَمُونَ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

اپنے رب کے پیغام تمہیں پہنچاتا ، اور تمہیں نصیحت کرتا ہوں ‘ اور خدا سے میں وہ باتیں جانتا ہوں جو تم نہیں جانتے ۔

تسہیل البیان فی تفسیر القرآن - ام عمران شکیلہ بنت میاں فضل حسین

حضرت نوح علیہ السلام نے اپنی قوم سے کہا کہ میں اللہ کی طرف سے بھیجا ہوا رسول ہوں اور مجھے جو کچھ اللہ کی طرف سے معلوم ہے تم اُسے نہیں جانتے اگر تم میری دعوت قبول کرلو۔ تو اس میں تمہاری ہی بھلائی ہے اور میں تمہاری خیر خواہی کر رہا ہوں۔ ایک تو تمہاری دنیا و آخرت سنور جائے گی دوسرے عذاب الٰہی سے بچ جاؤ گے۔