سورة الانعام - آیت 2

هُوَ الَّذِي خَلَقَكُم مِّن طِينٍ ثُمَّ قَضَىٰ أَجَلًا ۖ وَأَجَلٌ مُّسَمًّى عِندَهُ ۖ ثُمَّ أَنتُمْ تَمْتَرُونَ

ترجمہ سراج البیان - مولانا حنیف ندوی

وہی ہے جس نے تمہیں مٹی سے بنایا ، پھر ایک وقت (موت) ٹھہرایا ، اور ایک وقت اس کے پاس مقرر ہے (یعنی قیامت) پھر بھی (ف ١) ۔ تم شک میں ہو ۔

تفسیر ترجمان القرآن - مولانا ابوالکلام آزاد

1: یعنی ایک میعاد تو ہر انسان کی انفرادی زندگی کی ہے کہ وہ کب تک جئے گا، شروع میں تو اس کا علم کسی کو نہیں ہوتا، مگر جب کوئی شخص مر جاتا ہے تو ہر ایک کو معلوم ہوجاتا ہے کہ اس کی عمر کتنی تھی۔ لیکن مرنے کے بعد جو دوسری زندگی آنے والی ہے وہ کب آئے گی، اس کا علم صرف اللہ تعالیٰ کے پاس ہے۔