سورة الطور - آیت 21

وَالَّذِينَ آمَنُوا وَاتَّبَعَتْهُمْ ذُرِّيَّتُهُم بِإِيمَانٍ أَلْحَقْنَا بِهِمْ ذُرِّيَّتَهُمْ وَمَا أَلَتْنَاهُم مِّنْ عَمَلِهِم مِّن شَيْءٍ ۚ كُلُّ امْرِئٍ بِمَا كَسَبَ رَهِينٌ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

اور جو لوگ ایمان لائے اور ان کی اولاد ایمان میں ان کے پیچھے چلی ان کی اولاد کو ہم ان سے ملادینگے ۔ اور ان کے عمل میں ہم انہیں کوئی شئے کم نہیں دیں گے ۔ ہر آدمی اپنی کمائی میں پھنسا ہوا ہے۔

تفسیر ترجمان القرآن - مولانا ابوالکلام آزاد

(٣) آیت ٢١ میں اس حقیقت کی طرف اشارہ فرمایا ہے کہ اگر اولاد کسی نہ کسی درجہ ایمان میں بھی اپنے آباء کے نقش قدم کی پیروی کرتی رہی تو خواہ اپنے عمل کے لحاظ سے وہ اس مرتہ کی مستحق نہ ہو جوان کے آباء کو ملا ہیی لیکن پھر بھی یہ اولاد ان کے ساتھ ملادی جائے گی۔