سورة الحجرات - آیت 10

إِنَّمَا الْمُؤْمِنُونَ إِخْوَةٌ فَأَصْلِحُوا بَيْنَ أَخَوَيْكُمْ ۚ وَاتَّقُوا اللَّهَ لَعَلَّكُمْ تُرْحَمُونَ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

مسلمان جو ہیں سو آپس میں بھائی بھائی ہیں تو تم اپنے دو بھائیوں کے درمیان ملاپ کرادو ۔ اور اللہ سے ڈرو شاید تم پر رحم (ف 1) ہو۔

تفسیر ترجمان القرآن - مولانا ابوالکلام آزاد

(٤)۔ آیت نمبر ٩، ١٠ میں مسلمانوں کی باہمی لڑائی کے متعلق ضروری ہدایت دی ہیں کہ ان میں صلح کرادو اور اگر ان میں سے کوئی ایک فریق صلح پر آمادہ نہ ہو اور وہ ظلم اور زیادتی کررہا ہو تو اسے راہ راست پر لاؤ، حدیث میں ہے کہ اگر کوئی مسلمان دوسرے پر ظلم کرے تو اسے ظلم سے روکنا بھی اس کی مدد میں داخل ہے۔