سورة الزمر - آیت 4

لَّوْ أَرَادَ اللَّهُ أَن يَتَّخِذَ وَلَدًا لَّاصْطَفَىٰ مِمَّا يَخْلُقُ مَا يَشَاءُ ۚ سُبْحَانَهُ ۖ هُوَ اللَّهُ الْوَاحِدُ الْقَهَّارُ

ترجمہ سراج البیان - مولانا حنیف ندوی

اور اگر اللہ چاہتا کہ اولاداختیار کرے تو جو اس نے پیدا کیا ہے اس میں سے جس چیز کو اللہ چاہتا چن لیتا ۔ وہی اللہ ہے اکیلا زبردست

تفسیر ترجمان القرآن - مولانا ابوالکلام آزاد

(٤) پھر کچھ مشرک ایسے تھے جو اللہ کی طرف اولاد کی نسبت کرتے تھے فرشتوں کو اللہ کی بیٹیاں قرار دیتے۔ بعض انباء (عیسی، عزیر علیہما السلام) کوابن اللہ کہتے، یہاں پر اسی عقیدہ کی تردید ہے۔