سورة الروم

وَلَمْ يَكُن لَّهُم مِّن شُرَكَائِهِمْ شُفَعَاءُ وَكَانُوا بِشُرَكَائِهِمْ كَافِرِينَ

اور ان کے شریکوں میں سے کوئی ان کا شفیع نہ ہوگا اور وہ اپنے اپنے شریکوں کے منکر ہوں گے

(٤) آیت نمبر ١٢، ١٣ میں صراحت کے ساتھ فرمادیا ہے کہ آج جو لوگ رسولوں کی تعلیم وہدایت کو قبول کرنے سے انکار کررہے ہیں اور آخرت کی جواب دہی کے منکر ہورہے ہیں قیامت کے دن جب ان پر گرفت ہوگی تو یہ حواس باختہ ہوجائیں گے اور ان کے پاس کوئی جواب نہیں ہوگا جن چیزوں کو یہ اللہ کے شریک ٹھہرارہے ہیں قیامت کے دن ان کی عبادت کا انکار کریں گے۔