سورة الفرقان - آیت 6
قُلْ أَنزَلَهُ الَّذِي يَعْلَمُ السِّرَّ فِي السَّمَاوَاتِ وَالْأَرْضِ ۚ إِنَّهُ كَانَ غَفُورًا رَّحِيمًا
ترجمہ سراج البیان - مولانا حنیف ندوی
تو کہہ اسے اس نے اتارا ہے جو آسمانوں اور زمین کے اندر چھپی ہوئی باتیں جانتا ہے ، بیشک وہ بخشنے والا مہربان ہے (ف ١) ۔
تفسیر ترجمان القرآن - مولانا ابوالکلام آزاد
(٣) کفار نے قرآن کو اساطیر الاولین کہہ کر جس طرح اس کے وحی الٰہی ہونے سے انکار کیا ہے اسی طرح گویا اس کے خالی ازحکمت ہونے پر بھی اشارہ کا ہے لیکن گزشتہ اقوام کے عبرت ناک انجام واساطیر کہنا بھی صداقت کو منہ کوچڑانا ہے۔ اس لیے قرآن نے ان کے جواب یہ کہہ کر تنبیہ وطنز کی ہے کہ اس کو نازل کرنے والی وہ ذات ہے جو کائنات کے اسرار ورموس سے خوب واقف ہے اور اس کتاب میں ماضی کی عبرتیں اور انسانی زندگی کی انفرادی اور اجتماعی ذمہ داریوں کا بیان ہے۔