سورة الفیل - آیت 3

وَأَرْسَلَ عَلَيْهِمْ طَيْرًا أَبَابِيلَ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

اور ان پر پرندوں (ف 1) کے جھنڈ کے جھنڈ بھیجے۔

تفسیرسراج البیان - محممد حنیف ندوی

(ف 1) جب وہ حرم کی حد میں پہنچے تو عجیب وغریب پرندوں کے غول کے غول آئے اور انہوں نے کنکریاں مار مار کر ابرہہ کے لشکر کو بدحواس کردیا ان کنکریوں میں کچھ عجیب طرح کی سمیت تھی کہ جس کی وجہ سے ان کو چیچک نکل آئی اور وہیں میدان میں سارالشکر موت کے گھاٹ اتر گیا اور بقولے وہ کنکر بندوق کی گولی کی طرح لگے جن سے وہ ساری فوج فی الفور ہلاک ہوگئی ۔ حل لغات: أَبَابِيلَ۔ صف بصف ۔ غول کے غول۔