سورة المطففين - آیت 17

ثُمَّ يُقَالُ هَٰذَا الَّذِي كُنتُم بِهِ تُكَذِّبُونَ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

پھر کہا جائے گا یہ وہ ہے جس (ف 2) کو تم جھٹلاتے تھے۔

تفسیرسراج البیان - محممد حنیف ندوی

(ف 2) یعنی آج تو یہ لوگ دنیا میں حقائق دینی سے روگردانی کرتے ہیں مگر کل آخرت میں مومنین جب کہ حق تعالیٰ کے قرب سے مشرف ہوں گے اور اس کی تجلیات سے دل ودیدہ کی تسکین کا سامان بہم پہنچائیں گے ، یہ اس نعمت سے محروم رہیں گے اور جہنم میں پھینکے جائیں گے ۔ پھر کہا جائے گا کہ یہی وہ مقام ہے جس کی تم تکذیب کرتے تھے آج بتاؤ کہ کیا ہم جھوٹ کہتے تھے؟