سورة الملك - آیت 30

قُلْ أَرَأَيْتُمْ إِنْ أَصْبَحَ مَاؤُكُمْ غَوْرًا فَمَن يَأْتِيكُم بِمَاءٍ مَّعِينٍ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

تو کہہ بھلا دیکھو تو اگر صبح کو تمہارا پانی خشک ہوجائے ۔ تو تمہیں جاری نتھرا پانی (ف 1) کون لادے گا۔

تفسیرسراج البیان - محممد حنیف ندوی

(ف 1) یہ پانی اسکا کتنا بڑا انعام ہے کہ زندگی کے لوازم میں سے اولین اس کا شمار ہے ۔ اگر تم کو نہ ملے سوتے خشک ہوجائیں کنوئیں اتنے عمیق ہوجائیں کہ پانی کی بوند بھی حاصل کرنا دشوار ہو تو بتاؤپھر کیا تمہارے معبودان باطل تمہاری کوئی مدد کرسکتے ہیں ۔ اگر جواب نفی میں ہے اور یقینا نفی میں ہے تو اٹھو اور اظہار تشکر میں اس کے سامنے جھک جاؤ۔ حل لغات: غَوْرًا۔ گہرا ۔ عمیق ۔ مَعِينٍ۔ آب رواں ۔