سورة النجم - آیت 24

أَمْ لِلْإِنسَانِ مَا تَمَنَّىٰ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

کیا انسان جس بات کی (ف 1) تمنا کرے پاسکتا ہے ؟۔

تفسیرسراج البیان - محممد حنیف ندوی

(ف 1) یہ واضح طور پر بتایا جاچکا ہے کہ اس کے تخیل کے لئے کن کن مقتضیات کا ہونا ضروری ہے ۔ کیا ان لوگوں کی یہ رائے ہے کہ یہ جو کچھ چاہیں گے وہی ہوگا ۔ اور دین کو ان کی خواہشات نفس کے تابع کردیا جائے گا سو ایسا نہیں ہوسکتا ؟ دنیا اور آخرت کے تمام اختیارات اللہ کے ہاتھ میں ہیں وہ ان کو دنیا میں بھی اس ذلیل عقیدہ پر مواخذہ کریگا اور عاقبت میں بتائے گا کہ تم لوگ راہ راست پر گامزن نہیں تھے ۔