سورة الطور - آیت 41

أَمْ عِندَهُمُ الْغَيْبُ فَهُمْ يَكْتُبُونَ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

کیا ان کو بھید کی خبر ہے ۔ سو وہ لکھ (ف 3) رکھتے ہیں۔

تفسیرسراج البیان - محممد حنیف ندوی

(ف 3) انکار کی ایک وجہ یہ ہوسکتی تھی کہ علوم نبوت کے علاوہ کچھ ان کے پاس بھی اسرار اور رموز ہوں اور یہ ان پر قانع ہوں مگر یہ بات بھی تو نہیں میسر تھی ۔ حضور (ﷺ) پر نبوت کی نعمت تمام ہوچکی تھی اور غیوب کی سب راہیں مسدود ۔ یہ ناممکن تھا کہ اس مہبط وحی والہام کے علاوہ کہیں اور بھی فیوض کا دریا جاری ہو ۔ اور نبوت ورسالت کو چھوڑ کر تذکیر اور عبرت پذیری کے کچھ دوسرے وسائل بھی ہوں ۔ اس لئے بہتر یہی تھا کہ یہ لوگ اپنے معتقدات، وہم وخیال کو چھوڑ کر حضور (ﷺ) کی اطاعت کرتے اور عقل سے کام لے کر اسلام کی صداقتوں کو مان لیتے ۔